نكت بس للمتزوجين

واحد ماشى مع خطيبته واخر انسجام
فقالها : عارفة اية هو الحب واية الجواز؟
قالته : لا
‏قالها : الحب زى النجوم الجميلة اللى فى السماء
قالتله : طب والجواز؟
قالها : دى الحفرة اللى بنقع فيها ‏واحنا بنبص على النجوم



واحد متجوز وقاعد في البيت وبيبص كتير في عقد الزواج
مراته قالت له : بتبص في عقد الزواج ‏ليه يا حبيبي
قالها : مش عارف يا حياتي المأذون كتب تاريخ انتهاء العقد فين



مرة واحدة بتقول لجوزها
تصدق إن أنا كل يوم بحلم بيوم جوازنا
قالها
هى لسه الكوابيس دى ‏بتجيلك؟



مرة واحد قال لصاحبه
عاوز أعمل لمراتي مفاجأة فى عيد جوازنا
صاحبه قاله : هتعمل إيه؟
قاله : هوديها الصين
قاله : يا راجل فى عيد جوازكوا العاشر توديها الصين
أومال فى عيد ‏جوازكوا الخمسة وعشرين هتعمل ايه؟
فقالوا : هروح اخدها



مرة دكتور دخل عنبر فى سراية المجانين لقى واحد بيخبط دماغه فى الحيطة
سأل الممرضة ماله ده ‏؟
قالت : أصله كان بيحب واحدة ومتجوزهاش
دخل العنبر اللى بعده لقى واحد بيضرب نفسة ‏بالشبشب قالها وده ماله
قالتله : اصل ده اللى اتجوزها‏

المدير لعام
admin